|
Լուսանկարների ցուցահանդես
 2007թ. սեպտեմբերի 22-ից 29-ը, «Մոսկվայի Տուն» մշակութա-գործարարական կենտրոնի և «Վեգա Գրուպ» ընկերության աջակցությամբ, «Մոսկվայի Տուն» մ.գ.կ. ցուցասրահում մենք կազմակերպեցինք Հայաստանի տեսարժան վայրերի լուսանկարների ցուցահանդես` «Հայոց լեռների գանձերը» խորագրով:
Ներկայացված լուսանկարները առանձնանում էին կատարման բարձր գեղարվեստական ճաշակով ու եզակիությամբ: Նույնիսկ հանրաճանաչ Արարատի գագաթները, Խոր-Վիրապն ու Սևանը բոլորովին նոր տեսքով էին պատկերված: Լուսանկարված էին նաև այնպիսի տեսարժան վայրեր, որոնց մասին շատերը նույնիսկ չէին էլ լսել:
Ցուցահանդեսը գրավեց լայն զանգվածների ուշադրություն՝ անկախ տարիքից ու գործունեության բնագավառից: Այն բազմիցս լուսաբանվեց հեռուստատեսությամբ և մամուլում: Ցուցահանդեսը մեծ արձագանք ունեցավ և անմիջապես հրավերքներ ստացավ ինչպես Հայաստանի, այնպես էլ արտասահմանյան հայ համայնքների ցուցասրահներից ու կրթօջախներից:
|
