Հայոց լեռների գանձերը

2007թ. լույս է տեսել «Հայոց լեռների գանձերը» տեսարժան վայրերի հանրագիտարանը (հայերեն, անգլերեն, ռուսերեն լեզուներով): Հանրագիտարանը պարունակում է Հայաստանի (ՀՀ, ԼՂՀ) 130 տեսարժան վայրերի նկարագրություն, մոտ 3000 բարձրորակ լուսանկար, մանրամասն ինտերակտիվ քարտեզ և հաճելի հայկական երաժշտություն:

FindArmenia.com կայքը

Հայաստանը (ՀՀ, ԼՂՀ) ամբողջ աշխարհին ներկայացնելու սեփական միջոցն ունենալու նպատակով, ստեղծվեց FindArmenia.com կայքը: Կայքում բերված են ծավալուն տեղեկություններ Հայաստանի տեսարժան վայրերի, աշխարհագրության ու բնակչության մասին, բազմաթիվ լուսանկարներ և քարտեզներ, տուր-երթուղիներ, ինչպես նաև սիրված երգերի mp3-ներ, խոսքեր ու ակորդներ:

ԱԱՎ «РОСНЕФТЬ-МОСКВА»

2008թ. հուլիսին, «ПАРКойл» ՓԲԸ-ի և «РОСНЕФТЬ» ԲԲԸ-ի հետ համատեղ՝ ստեղծվեց ծրագրային արտադրանք՝ «օպերատորի ԱԱՎ (ավտոմատացված աշխատավայր) «РОСНЕФТЬ-МОСКВА», որը նախատեսված է նավթալցակայաններից ավտոլցակայաններ նավթամթերքի մատակարարման առաջնություն ունեցող ուղիների որոշման համար:

Լեռնային տուրիզմ

2005թ.-ից մենք զբաղվում ենք Հայաստանում (ՀՀ, ԼՂՀ) լեռնային տուրիզմի կազմակերպմամբ: 2009թ.-ից Ռուս-Հայկական (Սլավոնական) համալսարանը մեր մոտ է ուղարկում տուրիզմի ֆակուլտետի ուսանողներին` արտադրական և նախադիպլոմային պրակտիկաների:

Լուսանկարների ցուցահանդես

2007թ. սեպտեմբերի 22-ից 29-ը, «Մոսկվայի Տուն» մշակութա-գործարարական կենտրոնի և «Վեգա Գրուպ» ընկերության աջակցությամբ, «Մոսկվայի Տուն» մ.գ.կ. ցուցասրահում մենք կազմակերպեցինք Հայաստանի տեսարժան վայրերի լուսանկարների ցուցահանդես` «Հայոց լեռների գանձերը» խորագրով: